Muossavia en cass da mortori
Annunzia per telefon 076 415 15 53 al secretariat.
Lavurs preparatoricas per ina sepultura ella Pleiv Tujetsch
Transport ed organisaziun
– Tenor basegns e giavisch dar part al survetsch da bara, Furgertaxi SA Monn Via Raveras 33 7180 Mustér, 081 936 44 44 ch’ein segideivels en tuts graus e surprendan era l’organisaziun da transport.
Fossa ni urna?
– Fuorma dalla sepultura cun quater differentas pusseivladads: vischi ni urna en fossa, fossa privata, fossa communabla. Il satrar en ina fossa existenta ei pusseivel enteifer ils emprems 12 onns.
Fuorma da sepultura
– Fuorma dalla sepultura: survetsch divin en baselgia s.Vigeli cun vischi ni urna, mo in survetsch divin da cumiau en baselgia parochiala ni mo el ravugl dalla famiglia cun in suvetsch divin en baselgia.
Annunzia all’administraziun communala
– Il secretariat annunzia la mort all’administraziun communala ed organisescha sch’ei drova il cavar fossa (Adrian Deragisch). Consultar igl uorden da santeri dalla vischnaunca Tujetsch. Ils cuosts per cavar fossa vegnan incassai entras l’administraziun communala.
Cant sacral da sepultura
– Organisar tenor giavisch il cant cul chor da sepulturas cun annunziar a Simeon Cavegn, administratur dil chor, che organisescha il dirigent, cantaduras e cantadurs. Il dirigent dil chor prepara in program da cant cun contactar la famiglia e risguardar eventuals giavischs specials da quella. Il program retscheiva il plevon ed igl organist.
Termin da sepultura
– Fixar il termin da sepultura; in vischi enteifer 72 uras; cun urna ei il termin flexibels. Ei il survetsch divin da sepultura in di dalla jamna cun in survetsch divin la sera gia communicau, lu croda quei survetsch divin dalla sera.
Rusari da morts
– La recitaziun dil rusari da morts vegn organisada sin giavisch dils tierparents mo ella parochiala a Sedrun. Dunna Marianna Monn-Jacomt ei responsabla per la recitaziun dil rusasri, dunna Imelda Monn-Monn substituescha ella.
Organisaziun dil survetsch divin funeral
– La famiglia contactescha il plevon ed organisescha il survetsch divin. Plinavon mira la famiglia en cass da vischi per quater purtaders ed en cass d’ina urna ina purtadra ni in purtader da quella. Plinavon in purtader ni ina purtadra dalla crusch. Medemamein fixar purtaders/as da flurs e tut auter che accumpogna il trapassau, la trapassada al santeri. Organisar il riug da bara (cuors dalla veta) cun in lectur ni lectura (voluntari).
Annunzia en gasetta e past da bara
– Privat sa vegnir organisau ina annunzia da mort en ina gasetta ed in past da bara.
Plazzament dil vischi ni urna en baselgia
– La famiglia communichescha cu il vischi ni urna vegnan purtai en baselgia.
– Per ordinai vegnan sa il vischi ni l’urna cun tschupials e fluras vegnir plazzai en baselgia davontier el chor avon rusari e sepultura.
– Sin giavisch sa la devoziun da sepultura era entscheiver sco tradiziun en corridor-baselgia cun il regress en baselgia cun urna ni vischi.
Messa dil tierz e caudonn
– Fixar la messa dil tierz (trentavel) tenor tradiziun. La messa caudonn ha liug suenter in onn.
Tuccar da miert
– Suenter che la sepultura ei organisada vegn tuccau da miert. Il tuccar duei succeder duront il di denter las 09:00 e las 16:00 (Duront miezdi, denter las 11:00 e las 13:00 vegn buca tuccau). Sch’il defunct ni la defuncta ei da Rueras ni daSelva vegn ei tuccau gl’emprem leu.
Ei vegn da principi tuccau per mintga vischin/a che ha las scartiras en vischnaunca cun consultaziun e lubientscha dils tierparents. Da tuccar els uclauns vegn ei schau liber.
Repartiziun dall’annunzia da mort
– L’annunzia da mort ei da tarmetter per e-mail:
– al caluster per publicar ellas tablas da communicaziun a Rueras e Sedrun
– agl organist
– al responsabel dalla pagina d’internet per publicar
– a Roswitha Monn, lectura e gidontra dil caluster
– a Silvio Soliva che funcziunescha adina sco ministrant e gidonter
– a Mariana Monn, responsabla pil rusari da morts (telefon)
Mortoris specials
Reformai informeschan la canzlia communala e sedrezzan agl uffeci cumpetent a Mustér. La celebraziun da malencurada sa ver liug ella baselgia parochiala. Il termin vegn fixaus cul secretariat.
Persunas che pagan buca taglia en nossa pleiv pagan per ina sepultura 500.00 frs; satrar ina urna/vischi senza survetsch divin 100.00 frs. Sepulturas da persunas ch’ein extradas dalla baselgia e per las qualas la parentella giavischa ina sepultura, pagan ina indemnaisziun da 700.00 frs.
Versiun dils 17-03-2025 th