Cass da mortori

In mortori a casa (en vischnaunca)
Dar part al miedi che ha da constatar la mort (mo tier mortoris a casa)
Dar part al secretariat 076 415 15 53.

Sch’il defunct/a ei da Rueras ni da Selva vegn ei tuccau gl’emprem leu.
Dar part als parents ed alla canzlia communala (canzlia communala mo sche miert a casa) Dar part al survetsch da bara, Furger SA 7180 Mustér, 081 936 44 44.

Procurar per las annunzias ellas gasettas.
Metter ensemen las notizias biograficas per il plevon.
Procurar per ils 4-porta-bara, 1 porta-crusch e porta tschupials per la sepultura.

Fixar cul secretariat il datum per la messa da sepultura e dil trentavel.
Organisar il past da bara.

Cremaziun e sepultura
En santeri dat ei la pusseivladad da satrar en in fossa dad urnas ni ella fossa communabla. Per satrar urnas en fossas existentas da parents, vala igl uorden da santeri dalla vischnaunca.

Mortoris da persunas che s’audan buca tier la baselgia catolica
Reformai informechan la canzlia communala e sedrezzan agl uffeci cumpetent a Mustér. La celebraziun da malencurada sa ver liug ella baselgia parochiala. Il termin vegn fixaus cul secretariat.

En tuts auters cass sedrezzan ins per plascher directamein alla canzlia communala. Il tuccar da miert organisescha sin giavisch il secretariat.

(Muossavia en cass da mortori sco PDF per squitschar)