Baselgia s.Giachen Rueras

In tec historia vitgala
Il vitg da Rueras ei il secund grond vischinadi dalla val. La baselgia dil vitg ei dedicada a s. Giachen e datescha dil 18avel tschentaner. Ella ha da gliez temps remplazzau ina caplutta ch’era vegnida erigida el 15avel tschentaner. Oriundamein vegneva Rueras numnau ‘Meierhof’ ed era in bein dalla claustra da Mustér. Rueras ha giu da sbatter duas gadas cun catastrofas naturalas. Ils 6 da fevrer 1749, suenter ch’ei haveva neviu in’entira jamna, ein las duas lavinas dalla Pulanera e Val Milà sederschidas a val. Las lavinas han satrau 100 persunas e 327 animals. 62 persunas han anflau la mort quella notg. 23 casas, 39 nuegls, 5 mulins ed ina resgia vegnan destrui. Suenter ina tragedia semeglionta cun 23 unfrendas igl onn 1817, vegn in immens mir d’ustonza baghegiaus dadens il vitg da Rueras per proteger glieud ed animals dallas lavinas.
……
-……
La baselgia
1490

Il clutger baselgia da Rueras porta il pli vegl zenn dalla val. El ha in diameter da 54 cm; tun: b’; peisa: ca. 90 kg. L’inscripziun secloma: salva nos domine + an + no + dom + mccccl + rrrr + (1490). El ei buca decoraus cun maletgs e culaus dalla firma Walpen a Reckingen el Valleis.
1491
L’ emprema caplutta a Rueras ei vegnida consecrada ils 4 da december 1491 da uestg Heinric VI da Cuera. Ella possedeva gia da gliez temps treis altars. Igl altar grond fuva dedicaus a Nossadunna, s. Giachen e s. Cristoffel. Quella emprema caplutta fuva baghegiada cul chor encunter damaun, pia traversal da quella dad oz. El decuors dalla construcziun dil niev clutger 1928, han ins anflau dretg dalla entrada mirs dalla caplutta veglia, probabel ils fundaments ni rests da petgas.

Papli sur dalla baselgia da sogn Giachen a Rueras: Baselgia da s.Giachen e s.Cristoffel