Cordial beinvegni silla pagina dalla Pleiv Tujetsch. Nus selegrein da Vossa viseta. Nies survetsch ei da porscher a Vus informaziuns actualas davart nossa pleiv.
Cheu anfleis Vus las informaziuns las pli impurtontas e necessarias dalla pleiv. Ils survetschs divins e l’agenda anfleis Vus sut publicaziuns.
La Pleiv Tujetsch cumpeglia il territori dall’entira vischnaunca da Tujetsch. La baselgia parochiala cul santeri per l’entira val sesanfla a Sedrun.
Tiegl intschess dalla pleiv s’audan plinavon la baselgia da s.Giachen a Rueras, la baselgia da Selva ed otg capluttas repartidas els divers uclauns dalla val.

A C T U A L
Survetschs divins
La planisaziun dils survetschs divins ha giu liug la fin d’october en preschientscha da tuts responsabels e responsablas dallas treis pleivs per la pastoraziun ensemen cun las secretarias. Tochen la fin zercladur 2024 ei stau pusseivel d’anflar sligiaziuns per la pastoraziun, aschia che survetschs divins han liug, ton ella pleiv da Medel/Lucmagn sco era en Tujetsch. Cun sur Mathew Kurian, plevon da Mustér, cun ils dus plevons pensiunai, sur Alexi Manetsch e sur Giusep Venzin, cun paders dalla claustra benedictina e cun lasgruppa liturgica ei la pastoraziun aschia garantida per igl emprem miez onn 2024.